Ola!
Estamos de volta no blog para anunciarvos que xa temos cartaz para a
próxima edición de Teatrofilia! Os membros da Asociación Cultural Papaventos reuníronse o venres para valorar todas as propostas recibidas ao abeiro
do XIV Concurso de carteis para anunciar Teatrofilia 2019 e decidiron premiar este deseño presentado por Olaya Naveira Souto, de Ordes. O próximo día 22 de marzo farémoslle entrega do premio de 250€ durante a inauguración da que será a XVI Mostra de Teatro Amador de Vedra.
 |
| Cartel Teatrofilia 2019 |
O accésit ao mellor cartel infantil foi outorgado ex aequo a Dafne Teresa Vilar Nodar e a Antía Valle Ledesma, ambas as dúas de 7 anos e alumnas da escola de San Miguel de Sarandón (CRA Boqueixón-Vedra). Parabéns!!
 |
| Dafne Teresa Vilar Nodar |
 |
| Antía Valle Ledesma |
Ademais, aproveitamos para lembrar que todas as persoas participantes no concurso serán agasalladas cun bono para asistir a todas as funcións de Teatrofilia 2019 que poderán recoller na billeteria calquera dos días da Mostra.
Nós seguiremos traballando arreo para ter lista canto antes a programación desta nova edición que se celebrará, tomade nota, do 22 de marzo ao 13 de abril.
