TEATROFILIA. Mostra de Teatro Amador de Vedra

Xa temos gañadoras do concurso!! O cartel elixido para anunciar a VII Mostra de Teatro Amador de Vedra Teatrofilia está firmado polas artistas Aida Pérez e Marta Conde Domínguez, que recibirán o premio de 300 euros o primeiro día de Teatrofilia. Este ano presentáronse uns 18 traballos. A todos os autores, moitísimas grazas por participar e ánimo para as vindeiras edicións!! Non esquezades que vós tamén tedes un bono gratis para asistir a Teatrofilia, así que... preparádevos que xa chega! Estamos a traballar na organización desta nova edición da mostra teatral máis imporante de Vedra, comarca e arredores, así que estade atentos que pronto haberá novas... e pronto poderedes ver o cartel cheíño de propostas escénicas! Ata pronto e un saúdo. A.C. Papaventos

ATENCIÓN, ATENCIÓN! O prazo para presentar traballos ó IV Concurso de Carteis para anunciar a VII Mostra de Teatro Amador Teatrofilia amplíase ata o vindeiro 20 de xaneiro. Lembrade que podedes gañar 300 euros e que todos os participantes teredes un bono gratis para asistir ás funcións de Teatrofilia.

Estas son as bases do IV Concurso de Carteis para anunciar a vindeira edición da mostra de teatro amador de Vedra: "Teatrofilia 2010". Fainos chegar a túa proposta e, se resultas gañador, conseguirás 300 euros. Anímate! AS BASES DO CONCURSO SON: 1ª) PARTICIPANTES - Poderán presentarse ao concurso todas aquelas persoas que o desexen, sexan ou non veciños de Vedra, excepto os membros da Asociación Cultural Papaventos. - Un mesmo autor/a poderá presentar o número de carteis que desexe. 2ª) TEMA e CARACTERÍSTICAS TÉCNICAS - Os carteis teñen que versar preferentemente sobre algo relacionado co teatro, xa que o obxectivo é anunciar Teatrofilia , a Mostra de Teatro Amador de Vedra. Non obstante, os participantes gozan de completa liberdade para escoller o tema, sempre e cando promova a difusión de dita Mostra. - Os creadores dos carteis que se presenten ao concurso serán responsables da orixe da obra e, se esta estivera inspirada nun traballo alleo, deberán dispoñer da autoriza...

A Asociación Cultural Papaventos decidiu declarar deserto o concurso de carteis deste ano, de acordo coas bases. Non obstante, estamos moi agradecidos a aqueles que participaron :). Finalmente, decidiuse que o cartel que anunciará a VI Teatrofilia vai ser o de Mar Delgado , de Granada, que presentara un fermoso traballo o ano pasado, que quedara fóra de prazo. Moi prontiño todos poderedes ver o que vos agarda en marzo e en abril, sobre o escenario da Casa da 3ª idade de Vedra... Non falta moito!! Un saúdo a todos e, unha vez máis, graciñas a todos.

Ola a todos!! A A.C. Papaventos decidiu prolongar unha semana máis o prazo da recepción dos carteis do concurso para anunciar a vindeira edición de Teatrofilia . Deste modo, aqueles que o deixastes a medias, aos que se vos pasou o prazo, ou os que descubrades a existencia do concurso neste intre, tedes ata o próximo luns, 19 de xaneiro, para facernos chegar as vosas propostas, tal e como esixen as bases. Moito ánimo e sorte!!!

Os membros de Papaventos desexámosvos un moi moi feliz ano a todos, que veña cheo de saúde, ledicia, paz... e teatro!! Porque, ao final, sempre é necesario ter un pouquiño á man nesta vida... Lembrade que aínda tedes algúns días para enviar as vosas propostas de carteis para a vindeira edición de Teatrofilia!! Ata pronto!!

Un ano máis, A.C.Papaventos convoca o concurso de carteis para Teatrofilia. As bases están no post anterior e, se tedes algunha dúbida, podedes dirixirvos a nós mediante o correo electrónico, ac_papaventos@yahoo.com. Xa vedes que, aínda que faltan meses para a Mostra, xa temos que poñernos a traballar :) Ademais disto, temos outras cousas que contarvos! Andaravía gañou o 3º premio do concurso GzCrea, coa obra Metus Extremus !! Todos nos sentimos moi satisfeitos e sempre é bo compartir con vós o que nos pasa, sobre todo, se é positivo :). O próximo martes 16 iremos ao Teatro Principal de Santiago de Compostela á gala, e logo intentaremos colgar fotos. Por outra banda, coma sempre, nós seguimos traballando para poder ofrecervos máis cultura, máis entretemento, máis arte... máis teatro. Como este ano a familia aumentou, e xa case non cabemos no escenario nunha soa fila, tivemos que dividirnos en dous grupos Andaravía, e fixémolo en base ao horario que nos conviña para asistir ás clases ...

A Asociación Cultural Papaventos convoca un concurso de carteis para anunciar a VI Mostra de Teatro Amador de Vedra, Teatrofilia , que se celebrará en marzo do 2009. AS BASES DO CONCURSO SON: 1ª) PARTICIPANTES - Poderán presentarse ao concurso todas aquelas persoas que o desexen, sexan ou non veciños de Vedra, excepto os membros da Asociación Cultural Papaventos. - Un mesmo autor/a poderá presentar o número de carteis que desexe. 2ª) TEMA e CARACTERÍSTICAS TÉCNICAS - Os carteis teñen que versar preferentemente sobre algo relacionado co teatro, xa que o obxectivo é anunciar Teatrofilia , a Mostra de Teatro Amador de Vedra. Non obstante, os participantes gozan de completa liberdade para escoller o tema, sempre e cando promova a difusión de dita Mostra. - Os creadores dos carteis que se presenten ao concurso serán responsables da orixe da obra e, se esta estivera inspirada nun traballo alleo, deberán dispoñer da autorización do seu autor/a. - O tamaño dos carteis é libre, así com...

Hai cartel. Hai programa. Comeza a conta atrás!

En total foron 25 os carteis presentados ao certame, e podemos asegurar que non foi nada fácil realizar as votacións porque había moi boas propostas. Finalmente, o deseño gañador foi o de Aida Pérez Vázquez, de Boqueixón, cun cartel que en breve colgaremos na rede. Parabéns! Aos demais, moitísimas grazas por participar, e agardamos contar coas vosas xeniais ideas na vindeira edición. Recordade tamén que por participar, tedes dereito a un bono para toda a programación de Teatrofilia, e que poderedes recoller no concello de Vedra a semana previa ao festival ou na billeteira durante a súa celebración. E máis nada, seguimos traballando no tema. Apertas!

A Asociación Cultural Papaventos convoca un concurso de carteis para anunciar a V Mostra de Teatro Amador de Vedra, Teatrofilia, que se celebrará en abril do 2008 AS BASES DO CONCURSO SON: 1ª) PARTICIPANTES - Poderán presentarse ao concurso todas aquelas persoas que o desexen, sexan ou non veciños de Vedra, excepto os membros da Asociación Cultural Papaventos. - Un mesmo autor/a poderá presentar o número de carteis que desexe. 2ª) TEMA e CARACTERÍSTICAS TÉCNICAS - Os carteis teñen que versar preferentemente sobre algo relacionado co teatro, xa que o obxectivo é anunciar Teatrofilia, a Mostra de Teatro Amador de Vedra. Non obstante, os participantes gozan de completa liberdade para escoller o tema, sempre e cando promova a difusión de dita Mostra. - Os creadores dos carteis que se presenten ao concurso serán responsables da orixe da obra e, se esta estivera inspirada nun traballo alleo, deberán dispoñer da autorización do seu autor/a. - O tamaño dos carteis é libre, así como a técnica...

Superada a resaca do éxito e o cansanzo dun intenso mes de esforzo. Aínda así, notamos que o mel non marchou dos nosos beizos. O balance deste ano de Teatrofilia, máis positivo ca nunca. IV mostra. Guau...! A xente non falla á súa cita e segue demandando un par de horiñas de teatro para se esqueceren do resto. Así nolo din, e nós, orgullosos. Este ano tamén nos apoiaron cando, medio broma, medio en serio, pedimos un auditorio. O aforo non sempre é suficiente e as sillas máis cómodas non chegan para todos. As nosas espectativas foron superadas pola realidade. Só un día de menos de 100 persoas. Os demais, 120 de media. 'Metus Extremus' logra encher o espazo ata o máximo. 288 entradas contabilizadas. Incrible. E moitos quedaron fóra. Por iso, decicimos que hai que repetir. E serán dous días: o 29 de abril e o 4 de maio. Confirmaremos horas cando as decidamos para que, se non puideches vernos, alomenos teñas dúas oportunidades máis. Teatrofilia rematou, pero nós seguimos traballand...

Estas fotos pertencen á última cea Papaventos. Foi na casa da excelente anfitriona María Munín. Alí repartimos os amigos e inimigos invisibles os nosos regalos. Aí vos queda unha mostra do que foi esa noite. Polo menos moi divertida. E saborosa.

Xa hai gañador do I Concurso de Carteis para Teatrofilia. É Pablo González Múñiz, de Vigo. O cartaz xa o podes descargar da web, con toda a programación. Felicidades, Pablo! E a todos os que participastes, moitas grazas. Puxéstesnolo realmente difícil, con 21 carteis a concurso. Todo un éxito. Chamarémosvos nestes días para dicirvos onde podedes recoller os bonos por participar. Ademais, temos previsto organizar unha exposición cos carteis: auténticas obras de arte! Agardamos que vos animedes a participar para a vindeira edición, a quinta de Teatrofilia.

O I Concurso de Carteis para Teatrofilia xa ten gañador! O traballo elexido pertence ao vigués Pablo González Muñiz e pronto poderedes velo pendurado coa programación de Teatrofilia IV. Os demais cartaces pensamos expoñelos en Teatrofilia IV, sempre e cando os seus autores nos dean permiso. Ante todo, queremos darvos as gracias a todos os que participastes. Estamos moi contentos ca aceptación que tivo o concurso, pois a pesar de ser a primeira vez que se organiza, recibimos un total de 21 traballos. Sabedes que todos os participantes tedes dereito a un bono para acudir á IV Mostra de Teatro Amador de Vedra, así que xa nos poremos en contacto convosco pronto. Un saúdo!!!

Papaventos deséxavos a todos un feliz aninovo! Á parte, lémbravos que aínda estades a tempo de participar no concurso de carteis para a vindeira edición de Teatrofilia, na que xa estamos a traballar. As bases están uns cantos post máis abaixo. Saúdos a tod@s!

Ti a Mugardos e nós a Compostela . Traballo manda. Estrañarémoste moitísimo, Fonsinho, e sabes que nos lembraremos de ti ao escoitar "todas as mulleres se volven tolas por min", "padezo un proceso de descalcificación ósea" ou "tú lo que quieres es que me coma el tigre!". Iso si: da festa post-actuación ninguén te libra... ;) Máis bicos ca nunca

Pois si, xa temos data para o Principal . O día 7 de decembro ás 21h. estaremos o grupo de teatro Andaravía no Teatro Principal. Non caben excusas tipo "un xoves, que mal, ao día seguinte traballo", que é festivo. As entradas custarán 3 euros na billeteira, a metade se as encargades por adiantado, ben nos comentarios deste post ou se queres manter o anonimato blogueiro manda un correo a ac_papaventos@yahoo.es, porque se reservarían ao teu nome. De todos os xeitos, supoño que non se esgotarán as entradas (non movemos tanta xente como Tosar con Hamlet nin nada, pero aforras para a caña de despois). Ademais recoméndoche tamén os demais grupos que participan no Festival Agustín Magán, podes consultar as datas e horarios . E toda a información que precisa na páxina da Federación Galega de Teatro Afeccionado ( FEGATEA ). Avisad@ quedas: Andaravía Teatro , coa súa obra Bicos , no Teatro Principal . *Se queres entradas avisa a poder ser antes do xoves, 30 de novembro.