Volve Teatrofilia. Aquí a programación do 2025

Un ano máis, e xa van vinte, volve Teatrofilia, unha mostra de teatro amador que encherá Vedra de artes escénicas. Dende o 14 de marzo até o 5 de abril o Centro Sociocultural de Vedrá acollerá 13 representacións teatrais que mostran a diversidade e gran potencia do teatro amador do país.

Aquí a programación, coa indicación coa recomendación dos públicos aos que van dirixidas cada unha das obras: 

VENRES 14 DE MARZO
21:30h “Paripé” (TP) de O Catre Teatro (As Pontes)*

SÁBADO 15 DE MARZO

20:30 "Miles Gloriosus" (+12) de Teatro Muxicas (ONCE Ourense)

(Visita táctil para público con discapacidade visual ás 20h)

DOMINGO 16 DE MARZO
19:30h “A visita” (+16) do Grupo municipal de teatro de Ames

VENRES 21 DE MARZO
21:30h “Fraktal” (+12) de Ska-Rnio escénico (Rianxo)

SÁBADO 22 DE MARZO
20:30h “Sobre o mal que fai o tabaco” (+12) de Escola municipal de artes escénicas da Estrada

DOMINGO 23 DE MARZO
19:30h “Nanai da China” (Público infantil) de Pérez & Fernández (A Coruña)*

VENRES 28 DE MARZO
21:30h “Un tranvía chamado desexo” (+12) de Sencancelasteatro (Santa Comba)

SÁBADO 29 DE MARZO
20:30h "A Besta da illa” (+12) de Damecuerdaqueteatro (Pontedeume)

DOMINGO 30 DE MARZO

16:00h Tarde infantil
“As laranxas ao noso xeito” de Xs Papaventiñxs (Vedra)
“Mariñeiros” da Escola de Sarandón (CRA Boqueixón-Vedra “Neira Vilas”)

18:00h Roteiro “Pepa a loba” (TP) de Andaravía Teatro (Vedra)

VENRES 4 DE ABRIL
21:30h “O latricar de Vedra” (+12) do Grupo de teatro de maiores do Centro Social de Vedra

SÁBADO 5 DE ABRIL
20:30h "Croquetas" (TP) da Agrupación Teatral Mariñán (Betanzos)


*Dentro da programación da Rede Cultural da Deputación da Coruña

A hora fixada no cartel é a de comezo da función. As portas abriranse 15 minutos antes

Agradecemos a todas as persoas que un ano máis colaboran con Teatrofilia. Unha Mostra de amor polo teatro amador que acolle Vedra e invita á toda a veciñanza a participar e desfrutar.

Vémonos no Centro Sociocultural de Vedra!

TERESA TATO CABALEIRO É A GAÑADORA DO XVIII CONCURSO DE CARTEIS PARA ANUNCIAR TEATROFILIA 2025!

IMAXE CARTEL GAÑADOR CONCURSO CARTEIS TEATROFILIA 2025

Despois da deliberación do xurado formado polos membros da Asociación Cultural Papaventos, reunido para valorar todas as propostass de carteis presentadas para anunciar a viséxima edición da Mostra de Teatro Amador de Vedra: Teatrofilia 2025, agrádanos anunciarvos que o deseño gañador foi o presentado por:

Teresa Tato Cabaleiro, de San Miguel de Sarandón - Vedra (A Coruña)

Coa imaxe limpa e diáfana dun monifate manexado dende unha man coas unllas pintadas coa cor vermella da paixón polas artes escénicas, este cartel é o escollido para difundir a nosa mostra de teatro amador Teatrofilia 2025, que se celebrará entre os meses de marzo e abril.

ACCÉSIT INFANTIL

E na categoría infantil do concurso, resultou gañadora do accésit a proposta de Lucía Castro Cabaleiro, da aldea de Ximonde - San Miguel de Sarandón - Vedra (A Coruña). Noraboa!

Aquí o cartel gañador do accésit infantil:

Queremos agradecer a participación de todas as persoas participantes, nen@s e maiores, nesta XVIII edición do concurso de carteis para anunciar Teatrofilia . Noraboa pola vosa creatividade!

Segundo vén especificado nas bases do mesmo, todas as propostas presentadas serán expostas ao público durante a próxima edición de Teatrofilia, que se celebrará nas fins de semana entre o venres 14 de marzo e o sábado 5 de abril deste ano.

Queda pouco xa para difundir a programación completa da mostra, que agardamos sexa do voso agrado.

XVIII CONCURSO DE CARTEIS PARA ANUNCIAR TEATROFILIA 2025

 

BASES DO XVIII CONCURSO DE CARTEIS PARA ANUNCIAR TEATROFILIA 

A Asociación Cultural Papaventos convoca o concurso de carteis para anunciar a XX Mostra de Teatro Amador de Vedra, Teatrofilia 2025, que se celebrará nos meses de marzo e abril 2025.

As bases do concurso son:

1. PARTICIPANTES

• Poderán presentarse ao concurso todas aquelas persoas que o desexen, agás os membros da Asociación Cultural Papaventos e familiares directos.

• Cada participante poderá presentar un máximo de dúas obras.

2. TEMA e CARACTERÍSTICAS TÉCNICAS

• Os carteis teñen que versar preferentemente sobre algo relacionado co teatro.

Non obstante, os participantes gozan de completa liberdade para escoller o tema.

• Os/as creadores/as dos carteis que se presenten ao concurso serán responsables da orixe da obra e, se esta estivera inspirada nun traballo alleo, deberán dispoñer da autorización do seu autor/a.

• O tamaño dos carteis debe ser formato A3 (297x420mm).

• Poderán realizarse con calquera técnica (pictórica, fotográfica, informática, etc.).

• No cartel figurará rotulado: Teatrofilia XX Mostra de Teatro Amador de Vedra

• É obrigatorio empregar a tipografía “Alba” para a palabra Teatrofilia. Esta pódese descargar no  seguinte enderezo web: http://www.fontreactor.com/

• Deberase ter en conta que nalgún lugar do cartel irá a programación da mostra así coma os logotipos das entidades que fan posible Teatrofilia.

• O xurado deste concurso valorará a orixinalidade dos carteis, así como a súa eficacia comunicativa e o impacto e a calidade do deseño.

3. PRESENTACIÓN

• A data límite para a presentación de carteis é o 3 de xaneiro de 2025.

TEMOS IMAXE GAÑADORA DO XVII CONCURSO DE CARTEIS PARA ANUNCIAR TEATROFILIA 2024!

Despois da deliberación do xurado formado polos membros da Asociación Cultural Papaventos, reunido para valorar todas as propostas de carteis presentadas para anunciar a décimo novena edición da Mostra de Teatro Amador de Vedra, agrádanos anunciarvos que o deseño gañador foi o presentado por
Rocío Carbia López, de Bos Aires (Arxentina). Parabéns!
A imaxe do escenario preparado para que comece a función é a escollida para dar publicidade a Teatrofilia 2024!

E na categoría infantil do concurso, resultou gañadora do accésit a proposta de 

Martina Iglesias Cajaraville, de S. Pedro de Sarandón (Vedra). Parabéns!

Aquí o cartel gañador do accésit infantil:

Queremos agradecer a todas as persoas participantes, nen@s e maiores, nesta XVII edición do concurso de carteis para anunciar Teatrofilia pola súa participación e, segundo vén especificado nas bases do mesmo, todas as propostas presentadas serán expostas ao público durante a próxima edición de Teatrofilia, que se celebrará nas fins de semana entre o 1 e o 23 de marzo deste ano.

Queda pouco xa para difundir a programación completa da mostra, estade atent@s!

Aberto o prazo para o XVII Concurso de carteis de Teatrofilia 2024, ata o 22/12/2023

A Asociación Cultural Papaventos convoca unha nova edición do concurso de carteis para anunciar a

XIX Mostra de Teatro Amador de Vedra Teatrofilia

 que se celebrará no mes de marzo de 2024. 

BASES DO CONCURSO 

1. PARTICIPANTES

• Poderán presentarse ao concurso todas aquelas persoas que o desexen, agás os membros da Asociación Cultural Papaventos e familiares directos.

• Cada participante poderá presentar un máximo de dúas obras.

2. TEMA e CARACTERÍSTICAS TÉCNICAS

• Os carteis teñen que versar preferentemente sobre algo relacionado co teatro.

Non obstante, os participantes gozan de completa liberdade para escoller o tema.

• Os/as creadores/as dos carteis que se presenten ao concurso serán responsables da orixe da obra e, se esta estivera inspirada nun traballo alleo, deberán dispoñer da autorización do seu autor/a.

• O tamaño dos carteis debe ser formato A3 (297x420mm).

• Poderán realizarse con calquera técnica (pictórica, fotográfica, informática, etc.).

• No cartel figurará rotulado: Teatrofilia XIX Mostra de Teatro Amador de Vedra

• É obrigatorio empregar a tipografía “Alba” para a palabra Teatrofilia. Esta pódese descargar no  seguinte enderezo web: http://www.fontreactor.com/

• Deberase ter en conta que nalgún lugar do cartel irá a programación da mostra así coma os logotipos das entidades que fan posible Teatrofilia.

• O xurado deste concurso valorará a orixinalidade dos carteis, así como a súa eficacia comunicativa e o impacto e a calidade do deseño.

TEATROFILIA 2023, do 10 de marzo ao 1 de abril no Centro Social de Vedra e no Pazo de Ortigueira (Santa Cruz de Ribadulla- Vedra)

 A programación de Teatrofilia 2023 xa está lista!

 E con moita emoción, temos a honra de presentarvos o novo deseño para a XIX Mostra de Teatro Amador de Vedra, TEATROFILIA 2023!

As persoas que formamos parte da Asociación Cultural Papaventos reunímonos para valorar todas as propostas que recibimos ao abeiro do concurso que, como cada ano, lanzamos para atopar a que será a imaxe da próxima edición da Mostra de Teatro Amador de Vedra.

Gañou o deseño presentado por María Isabel Currais Sendón, da Coruña. Parabéns!

E o áccesit infantil gañouno Xiomara Neira Macías, de San Miguel de Sarandón, Vedra. Parabéns!

Nas próximas semanas daremos a coñecer a programación da Mostra, que terá lugar entre o 10 de marzo e o 1 de abril do 2023 no Centro Social de Vedra.